照例起身食急凍早餐，但係今日居然有炒蛋同腸仔，真係開心。

原來威尼斯係要坐船去，即刻心知不妙！與此同時剛巧有一團內地同胞因天氣太凍，車子壞了，領隊便問我地可唔可以幫人一把載埋佢地，去因為佢地都係去碼頭個邊坐船去威尼斯，真係神奇，原來2團成五、六十人可以容納一部車之內。

去到碼頭，天色灰灰又近海又大風，感覺好似凍死一樣。大概25分鐘o既船程（好彩隻船唔係好搖，否則我就wa la wa la 大吐幾日前ｄ意粉豬肉）。航程中另有小插曲。喇，第一個戲肉黎喇．．．有團友問是否在威尼斯買LV係最平？（因為係歐洲買東西〔大牌子，大銀碼〕一般都可退稅，只係視乎不同地方有不同退稅之節扣，咁領隊就話係威尼斯買LV都有12.5%退稅，係最多所以最平！（我地後來都證實左，係威尼斯最平，米蘭有12%，法國都好似12%，而英國最貴只有11%！）不過領隊建議我地見岩就買因為唔會走回頭路！

好喇，幾經辛苦終於到達。首先係碼頭影左陣相同埋領隊講解下陣間個行程及幾點集合，之後便成群人跟住佢行，邊行邊影。（Debbie按：威尼斯真係好靚，好有特色，真係水都，d屋係河邊而建，一條一條運河貫穿整個城市，所以呢度要靠船隻為交通工具，亦有好多大大小小o既橋）我地見都好多係postcard同旅遊書見到o既Gondola貢多拉船，之後就遠觀一條黑麻麻o既橋　－　嘆息橋，此為遠古之囚犯係審判完之後要經過呢條橋行去隔離監獄，犯人會係度看到凡間最後一面而嘆息以前之過錯而命名。

在旁o既小販正在開檔，隱隱看見當今熱賣之Triangel（電視刻衝上雲霄隻公仔）。轉左個彎去到威尼斯之中心　－　聖馬可廣場。呢到有一個聖馬可教堂，外型好宏偉，教堂d壁畫唔同顏色之餘仲有金箔，真係金壁輝煌。圖畫有基督、先知、聖人等肖像。

上左一個小小o既歷史堂之後，我地急步去到一間玻璃廠參觀。一入度去就有人示範如何燒出一個玻璃瓶，呢度出品最等別之處係不碎玻璃（當然小小碰撞係唔會碎，但係無人叫你?黎開片同係五樓”訂”落街，乜都無啦！）由於真係好靚同不易碎，價錢都唔講得笑，一隻好簡單o既紅色透明水杯售價為大概EUR 50。觀賞完一輪就閃！

Oh！進入第一個戲肉　－　掃LV。我同Debbie為免同團友迫，於是係玻璃廠度只逗留左一陣就同領隊講聲我地行先啦（因參觀完玻璃廠後係自由活動）。由領隊之前所提供o既路徑，只需一陣就找到，加上我地驚其他人好快趕到，所以就競步咁走去啦，因為歐洲LV係一對一o既service，所以如果同咁多人一齊迫就真係半日先輪到你啦！去到，原來係好細間，有三層而?一層都賣唔同貨品，而且?層只有一名sales！G/F – 手袋、精品、披肩領巾之類；1/F – 男裝及袋；2/F – 女裝及手袋。我地一到步係G/F己經有好幾個日本人買緊野，但係只得一個sales，佢都冇辦法理到我地，只係可以拎到本catalog比我地睇。（Debbie按：但係呢個sales比起之後我見個ｄ已經好好多，佢好有禮?，雖然以1對1 o既service方式，佢都有問我有乜可幫我！）

與此同時，其中有一pair團友殺到，我地見勢色唔對，開始會多人，之後Debbie問佢係咪只得一個sales，佢好唔好意思話：「Yes, it is a problem.」，梗係啦，於是Debbie就講：「It is a big problem!」，之後就多一個sales出黎叫我地去3/F喇。

由於之前係香港太忙冇時間o既關係（因為要攪婚禮ｄ野），所以我地都冇做資料搜集，只係臨場見乜買乜。可能我地手上冇shopping list & catalog print-out，反而我地好輕易捉住呢層唯一o既女sales，係比錢時佢又非常有禮?地招呼我地，叫我地坐低係張?度等比錢，反而其他團友個個手上都拎住一份份list呢，個sales就冇乜理，佢地比錢時都無比?佢地坐！之前都聽過人講話d Sales好串，見到香港人，尤其係手拎list o既就唔多願賣比佢地，可能怕左佢地係走水貨唔係自用。不過我地好彩因為冇時間做呢ｄ野而有所得著，哈哈！（Debbie按：呢個真係真人真事，若朋友想係歐洲買LV，記得捉住佢地ｄ人心態啦，歐洲LV根本唔怕會冇生意冇人買，佢地好有個性，係唔like就會話冇貨唔賣比你架啦！但係你又吹佢唔脹喎！串爆！）最後我地買左一個銀包和一個手袋。（Debbie按：個銀包係阿基架！）

買左之後會有一份退稅單，初頭我地唔知可以儲起到場退稅，有團友叫我地去對面舖頭搞退稅，我地呢d大陸”lay”只好遵命，老死都鬥快排隊回水，原來呢到唔係退EUR，係美金，啊！一樣喇。經過一個小時o既劇鬥，我地就坐返隻船返去剛才黎威尼斯個碼頭喇，亦係另一個戰場　－　碼頭d攤檔，而呢次所鬥之物品就係Triangel。

我地好似「黃老太」一樣，去到每一檔隔價，即時攪到場面熱鬧和混亂，最後買左一隻比阿媽，我亦都發揮小宇宙，由原價EUR 9講到EUR 7.5。(Debbie按：我問領隊個d檔販會唔會覺得好奇，點解有咁多香港人黎買呢隻公仔，佢話d檔販知架！)

終於上半場完結3 - 0（因為買左3樣野，而下半場仲大鍋！下一站去時裝和名牌聖地　－　米蘭！）各團員都休養生息儲足體力，迎戰下半場！請問我地去米蘭呢站可唔可以trade in放返d貨收番d cash呢？

呢日午餐都幾正，係中餐但有白切?同番茄蛋湯，可補充體力和維他命C。但係我最想搵個醫生問下點樣可以補充維他命M，因為我呢幾日大量流失，唔知點補充！成個人多疑、心煩、不安、虛脫（嘩！成個家燕姐咁！）我諗最好最直接o既方法係”老笠”！

大概下午四點多到達朝拜聖地－　Milan。二話不說，不理天寒地凍，各人又再一次係LV決鬥。完場結果4 – 0，因買左另一個手袋。

(Debbie按：阿基話見我有個袋，佢都唔執輸，不過呢個袋我都可以用到o既，hehe…不過我今次黎初初都只係預左買一個袋或者銀包比自已咋！因為都知d EUR貴，可能都唔會比香港平。咁話說去呢間LV店前，有團友問領隊係咪LV唔會比人買多一個以上o既?，因為剛剛佢地買左一個袋，之後想幫朋友買多同一個款都唔比啦，咁領隊就教我地話因為依家新年，想買個袋比媽咪做新年禮物，講得好聽d就得架啦！咁我地係呢間米蘭LV買野比錢時，由於佢要?我地個passport做d退稅手續及check下你地有冇係歐洲另一間LV Shop買過野，原來歐洲咁多個國家除左英國之外,所有LV都係電腦記錄互通的，咁個Sales就同我地講話我地今日已經買左ｄ乜乜乜，於是我就用領隊教o既方法去買多個袋喇！ )

劇戰過後，當然要逛下呢條著名大街　－　Napoleon Street。幾乎所有大brand都可以係度搵到，如LV、Gucci、Dior、Armani、Parada…而最遺憾係Cova裝修，唔可以係米蘭high tea。由於已經入夜加上燈色襯托下，呢度真係好elegance，米蘭乃朝聖地並非浪得虛名。

註：由於時裝o既推出係唔等天氣，雖然是冬天，但係已經出左春裝，而且各樣衣服及手袋都有discount。

(Debbie按：米蘭有好多好靚身裁又好o既女仔，真係個個都好似model咁架，係d名店度，見到佢地試衫，嘩！個個成個model咁，勁高勁瘦！我真係以為自己去左fashion show，米蘭名店ｄ衫都係出比佢地著！就算係條街度都見到呢ｄ索女，米蘭真係冇豬扒架！真係後悔冇去問佢地是但一個影返幅相呀！而係LV店見到個好有錢o既靚仔，佢好似VIP咁勁多人serve佢，係度狂掃貨，但我地覺得佢唔係意大利人。)

晚餐於離市中心不遠的中式餐館食，最特別今晚有兩位團友生日，康泰特意係餐廳送左個蛋糕同兩位慶祝，所以我地有蛋糕食，呢樣野都算值得表揚。飯後返酒店，呢間酒店個浴缸係有按摩功能，可以梳乎一下啦！