DAY 
終於黎到呢次旅程o既最後一日，由於早餐方面已被亞差發現，今日只好食「急凍早餐」！我地ｄ行李暫放係酒店keep住先，出去行完返黎等車時先羅返。
餐後我提議去Arsenal兵工廠，探一探曼聯之死敵。呢到都算幾方便，從酒店那裏只搭幾個站便到，由於當時是清早，街上行人絕對是零，我地亦係外圍行左一陣便離開。
之後我地又去Piccadilly Circus o既English Teddy Bear Company帶左一隻小朋友返去 (Classic Winnie The Pooh with a English Teddy Bear Company Ribbon on his neck)！
至後再去New Bond Street呢條名店街勒多轉，亦都最後行多一次LV Shop，雖然呢次無買野，但至少留低ｄ腳毛都好！之後又行左Hermes及Burberry，那間Burberry好大，有好幾層，係度竟然比我地撞返一pair stay behind o既團友。
午餐於Nike Shop旁o既西餐店，位於Oxford Circus站，我地食左一個Pizza同意粉。
最後一個行程就係British Science Museum。嘩！未入去，門口已經靚都不得了！由大門一入，已經有一隻恐龍骨模型係個大堂度等緊你，內裏有大量恐龍資料同標本及模型，有些真有些係模型。真係適合一ｄ鐘意呢類生物o既朋友，但唔適合我！逛了大概個多小時，時間亦都差不多了，我地要返酒店等車送我去機場。
係酒店坐左一陣，車子亦都黎到，車子不是大型旅巴，只係好似香港小巴咁，不過闊落ｄ咁。原來除左我地，呢架車亦都要接載其他旅客。花了個多鐘之後，終於到達機場。
當然我地一個箭步到達check-in counter，那一位男職員非常好，他預留窗邊的及路邊的座位比我地，中間就吉左佢，佢話今晚班機唔係好爆，冇人會book個位係夾住兩個人坐的，咁樣我地就可以坐得舒服ｄ喎，即係話三個座位比我地霸晒。
另一個step係退稅，呢到條龍都幾長，而每個旅客都拿著一大份的退稅單換錢。
(Debbie按：係英國，係要將要退稅的物品跟身，因為那些職員會要你顯示退稅物品的，呢樣野係領隊再三提醒o既，不過我地搞退稅時，佢地都冇要睇我地ｄ野喎。Anyway，最好都係跟身啦，費時佢真係check，仲有我個friend話那些貴野最好跟身唔好退稅，因為可能會唔見左，比ｄ手腳唔乾淨o既職員偷左就唔好啦！因為試過有人返香港開行李後，發覺只係唔見晒Ｄ LV等牌子袋！)
之後，我地過移民局，食晚餐及到處逛逛，最後我地係機場Duty Free亦買了一隻Harrods小豬仔，佢好得意，會行架！大概9:00 pm，我地上機，開始返港，完成15天歐洲＋曼聯之旅！
|
_
