今日終於比「亞差」發現我地食霸王早餐，好彩o係離開至發現，如果唔係就要比GBP10- 就大件事！事緣係我地當然繼續扮矇食English Breakfast，由於今日遲左ｄ，只得小貓三四隻，所以比人發現。個亞差質問我地，當然老死都唔認，吹得我帳嗎！聽日就Last Day…

餐後去左Convert Garden，由於天氣唔係咁好，而且又落毛毛雨。好彩呢次係留低之後第一次落雨，雖然唔大但係濕洒！最特別呢個站係用升降機上落，非常特別，我地逛左一間特大o既Paul Smith同其它商店，呢度亦有間Muji，估唔到日本o既力量亦伸展到英國，另外Piccadilly Circus亦有一間，但價錢就貴過日本同香港！

而呢到亦有一間富有文化氣色o既Royal Opera House，當有一位職員派了2張午餐劇票比我地，但由於時間緊逼，最後都無去，真可惜！在旁的Disney Store佈置非常吸引我地，因為呢度o岩o岩過左新年，裝飾仍未除下，我地找到了失散多年o既袋老鼠母子，貓頭鷹同兔仔（全部都係Pooh Pooh d friends），非常開心，好似可以一家團聚！二話不說，就帶佢地返屋企。

係商店對面，就係一個非常有名的Apple Market，遠遠傳來有小提琴聲，將我地牽引到呢到，原來係4位年青人正在表演音樂，雖然在場人士不多，但係氣氛都好好，充滿藝術感。

(Debbie按：Convent Garden比我感覺係好有藝術氣氛，同埋都幾好行，值得一去！)

之後我地亦都起程去多一次Harrods，由於我地仲未食午餐，我地亦都豪一豪係Cafe Harrods午膳，有炸蟹肉、沙律、可樂同熱檸茶。餐後我地開始逐層逛，由於呢到個老板係埃及人，所以呢度ｄ裝修充滿埃及氣色，有如一所金字塔之內，黎到呢到當然買PVC膠袋做手信，而徐小姐亦都買左一個Gucci袋比自己，最後我地去到底層，睇見Dianna同佢男友o既相片，眼見呢到亦有ｄ人祈禱和悼念。

話說我地去到巴黎時，亦都親眼見到Dianna車禍發生地點同撞車受破壞o既柱．．．

天氣亦開始轉好，我地又一次到達Piccadilly Circus，我地係大「可口可樂」Landmark招牌下o既Boots買左一大堆物品，價錢相比之下平香港1/3至1/2！我地亦逛左兩間玩具店同幾間百貨公司。

當晚o既晚餐亦買左2個飯盒，楊洲炒飯同炒麵，最重要係出機場的車子亦已confirm，明日大概5:00 pm – 5:30 pm便會係酒店送我地去機場，GBP15 per one。

我地亦收拾心情返房整理，預備明日離開返屋企！