今朝心情特別緊張，唔理早餐好唔好食，總知快ｄ起程！於8:00 am起行到Euston Station，首先要搵個巴士站，因為尋日所講呢度無火車去曼城，所以要坐一個多小時巴士去Milton Keynes Central那處。原本要坐15分鐘後出發的巴士，經過我地追問下亦都可以提早15分鐘起程。巴士沿途經過住宅區，再上高速公路，亦都由天陰、暴雨至陽光普照！到達 Milton Keynes Central為大概9:45 am。

落左車，第一時間睇下行車時間表，確實一下班火車。我發現有一輛火車往曼城為10:17 am，又係經我地追問下，得知係可以搭，我地亦都好順利登上火車去曼城。車程大概為3小時。車上亦都載滿兩隊之球迷。Oh！今日大戰為「曼聯對紐卡素」，心情亦提升左一ｄ，因為每完成一點，心情越滿足。

到達左Manchester Piccadilly Station，我地亦要再轉一次Metro Link往「Old Traffords」，落車後，只要跟著成千上萬o既人群就去到曼聯主場o既奧脫福，大家會問好似今次我都無提過問票，唔通我已經買左？事實上，我手上係無飛，心諗會買「黃牛飛」博下。當黎到後問ｄ職員買票情況，佢地就指著一條已經有20多人的隊伍　－　買退票。

(Debbie按：排隊個度除左有紅鬚綠眼外，竟然仲有我地鄉ｄ朋友呀　－　日本人！！佢地都係後生仔女黎架！事實上我地都係寧願乖乖地排隊都費時買黃牛飛，因為怕係假飛，到時就得不償失了！)

大家都知英國地大脈搏，高樓都唔多幢。大風加上寒冷，凍到你都唔信！大概2小時後（係呢2個鐘，我係好想周圍參觀同買紀念品，但係只得Debbie一個人排隊，我又唔忍心。所以放棄！中途，我亦去買左一隻熱狗同一杯熱奶茶來頂頂寒冷。）條隊開始移動，一睇隻表距離開賽只有10分鐘，我o既心情更加興奮，心諗唔理幾錢一定要買到，當輪到我地時，我只係識比錢，唔理坐第幾行，兩張飛共GBP56。

當我手上有票後，個心情真係你永遠都估唔到，因為每一個曼聯球迷心諗一生一定要去奧脫福一次，而我亦都係30歲前完成心願，到而家個情景亦都好記得，永世難忘。言歸正傳，我地好似發癲一樣狂跑入場，根據工作人員指示票上o既座位入口，加上極速o既步伐，站上一條樓梯後，當然問一問工作人員我地o既座位係邊？佢往下指一指，原來是距離球員出場處十行左右，心諗訂票都訂唔到咁前！

(Debbie按：阿基真係開心都傻左咁，買完飛就拿拿咁想跑去找座位，好彩我叫位佢拍低張票個樣先，如果唔係入場後比工作人員撕去一部份就拍唔到整張飛架啦！不過真係唔明售票員咁好安排呢個咁筍o既位比我地？！因為去到買飛時係冇得你去選位子的，只係答你要幾多張飛，that’s all！好奇怪，完全無歧視！Anyway，我都好登阿基高興雖然我唔係球迷！)

不消一會，球員開始進場，每一位球員o既面貌我都看得好清楚，Fans支持ｏ既聲音大過紅館睇show時幾百倍，真係估唔到奧脫福o既氣勢同威力如此強勁！

至於比賽方面，曼聯球員係上半場表現十分之差勁，０：０完上半場。我地亦係休息時間買了2杯飲品，原來各人都好守秩序，但係佢地飲啤酒好似飲水一樣。下半場情況好Ｄ，但仍打破不到０：０完場。

由於先前花了很多時間排隊買票，仍未去買紀念品，所以好快跑去商店。點知關左門，唯有等下次啦！我地亦跟上人群慢慢離開球場，現在時間為差不多7:00 pm，而我地亦買了8:00 pm返London的車票，心裏開始好急，因為miss左呢班車，明日至有架啦！

(Debbie按：真係估佢唔到，個問賣紀念品店竟然咁快關門，好可惜，阿基買唔到野！如果知道係咁早收，就等我排隊賣飛叫佢自己去勒返轉更啦

好彩大概7:20 pm到達了火車站，經過電子水牌確定回程火車開出時間後，我地買了Burger King做晚餐。一上火車先知，完全唔似今早個班車咁，因為呢班火車係有劃位的，但我地只有free seat ticket，要找一些相連但unreserved seats。

經過一輪尋找後，我地都搵到座位，雖然不是坐在一起，但也只是隔著一條走廊，我地坐好之後就開始晚餐喇。火車一路上都行駛順利，但途中出了問題，車長宣佈電力有問題，最後遲左35分鐘，大概11:45 pm到達London。

我地第一時間跟隊搭的士返酒店，車費大概GBP5（係英國夜晚搭的士起錶比日頭貴），經過差不多十分鐘車程，我地平安順利返回酒店，上房之前我亦要book定後天離開之巴士了，費用為GBP15一位，由酒店開往希斯路機場。填好form後，只等明天回覆便成！