今日開始係我地歐洲之旅　──PART 2（勇闖曼聯之旅），當然每日o既起床時間都彈性好多喇！首先歎過醒神早餐先。話說係英國酒店係有分Continental及British Breakfast，Continental形式係急凍早餐，即係之前我地每日食個隻，而British形式就醒神好多，即係好似泰國酒店ｄ早餐咁，應有盡有。你話喇，好野點會比你呀！原來我地個酒店booking只包食Continental Breakfast，如果要食傳統早餐都得，每位比多GBP5。嘩！冇野呀fa！心諗早餐只不過扒你兩啖就要HK$70，你都癡X線！！！總之唔理三七廿一照食，辦矇！

(Debbie按：咁我地最初都唔知有分別o既，因為佢係咪都將ｄ食物放晒出黎，人客又冇分類去坐，咁我地就糊里糊塗照去夾埋British個ｄ食物。)

今次我地要記住呢條路，因為呢4日都要行。最近個站叫King’s Cross。首先我提議買明日去Manchester o既火車飛先，而King’s Cross本身係一個大o既火車站，點知呢度ｄ職員話星期日係無去Manchester o既火車。佢亦都提議我地搭巴士，首先去Victoria Coach Station試一試。

另一方面，英國o既車費係好貴，所以我地買左One Day Pass，即係全日通用，但要分區收費，而一般遊客區是Zone One，票價為GBP4.6。於是我地去到Victoria Station，點知呢度職員態度差到扒街，問也都唔知，總知淨係叫我地排隊問Counter，最後我地氣結地走左。

最後我地去Euston Station博一博，從旅遊書得知呢度係有火車去Manchester，我地亦花了很多時間和溝通才買到明日去Manchester o既火車票。票價為GBP 54.7來回火車票！為左去睇Dream Team曼聯，幾貴都要去。

(Debbie按：真係o係買火車飛呢度搞左好耐，阿基亦有放棄念頭，但經我的訓話同我的不忿氣，於是大家就誓要找到買飛的地方)

花左半日時間大概已經下午一點多，肚子開始好餓，我地第一個自遊行地點　──Notting Hill。我地搵到一間西餐廳(Zizzi)，唔理咁多，醫肚緊要。我地order左一杯雪碧，一碟Daily Special意粉同一碟沙律。肚餓乜都好味，但老實講真係幾好味(GBP)！

食完野，行返去近地鐵站附近，再轉入一條街，就係波特貝露市場（Portobello Market），這其實是一條長過香港廟街o既小販街，呢個market真係乜都有得賣，衣服、鞋、飾物、食物、古董、二手東西，逛左一陣，我地轉戰另一地標　── Harrods。未黎之前已經知呢度靚，但睇完實景後覺得呢度好似埃及皇宮。當然我地亦買左ｄ聞名中外o既由Harrods出o既PVC膠袋做手信（原來都唔平架，大概都要HK$100左右！）。

下一站去到Waterloo Station，呢度亦都係英法連繫之Euro Star Station。本身我好想搵ｄ旅行團可以從法國搭「歐洲之星」去英國，點知冇團岩我地，所以放棄！之後亦有影一ｄ夜景相，如大笨鐘、塔橋、泰晤士河River Thames（昨天只拍到日照）。

呢次我地亦好順利搵到條路返酒店，途中有間中式外賣店，我地買左一盒炒麵及炒飯GBP6。另外買左一支水及Yogurt GBP1.5。之後返酒店享用，心情亦都好緊張因明日要「勇闖曼聯」！