經過整晚o既休息，已經忘記尋晚ｄ痛苦經歷！間酒店同早餐一樣好老土，都係一般o既凍死肉+硬麵包。

第一個節目，天都未光，就係參觀荷蘭的小農場，內有小綿羊，芝士同風車。首先睇一睇芝士製造ｏ既過程，再者各自映相同購物。風車相一定要影番一張！

之後，開車駛往北海旁的小漁村（並唔係北海漁村，呢度無得飲茶同打邊爐）。荷蘭本身係一個低於水平線的國家，各位讀書就聽得多，呢次我地可以親眼目睹。海邊ｏ既堤霸起得高高，但內裏的房屋係低於堤霸及海面好多。

呢度係海邊ｏ既關係，真係寒風刺骨，有ｄ想死ｏ既感覺。當然係呢度又有買手信及避風啦！因為真係勁大風，人都吹得郁！唔避下真係會變雪條！途中領隊帶我地去食一種魚生，呢種魚只有呢度出產，個名好似叫「多羚魚」（唔知點寫，只是記得個音），食落口感好似九肚魚，滑嘟嘟又幾鮮味！另外我地幫襯左一個蝦包Eur 3，一個包好似熱狗，內裏滿載肥美的大蝦，認真好食（飢寒交迫，食乜都好味啦！）。

午餐於市中心ｏ既中式酒樓，裏面真係好大，同香港普通ｏ既酒樓有一樣面積。有ｄ置身係灣仔龍門大酒樓一樣，菜單有湯、燒肉、魚、菜及蝦，都幾豐富，但係味道就．．．

正當我地享用午餐時，外面天氣突然急轉　──　落狗屎！（Oh！原來下一個目地就係酒樓後面一間好大ｏ既鑽石製造工場。）好在我有帶遮係身，但亦難免濕身ｏ既命運。

進入呢間工場ｏ既感覺係好cyber，裏面裝飾由玻璃同鋼板組成，首先貼上「豬仔---」貼紙，然後跟隨工作人員參觀鑽石製造過程，及後可以親眼及親手接觸各式鑽石！由細細粒至一卡都有，而且佢仲教我地點樣揀鑽石，揀鑽石一定要係白光燈底下，因為可以可以照出呢粒鑽石本身ｏ既顏色，例如是否偏黃同有有什質。在場所有女士睇到「金睛火眼」「眉飛色舞」，好似係自己一樣！但在場大部份男士都好似好驚，兼越縮越後。

各位女戰士都戰意高仰，而且個個懷有一份信念越留得耐越大機會得到（因為深信各男伴一定會送比佢地！）而我亦都係其中一個，我買左一隻鑽介比老婆。購買期間在場各師奶都好諸事同好多聲氣，既然咁有認識不妨買番隻玩下啦！完事後，身心乏力，需要一ｄ野補充　──　可樂，呢間工場都算識做，你知啦，可樂係歐洲都好貴，唔會成日飲，宜家就唔同，既然免費，出力ｄ飲，頂番條數，一罐可樂大概Eur 2，係度都起碼飲番杯先啦．．．（我其實飲左５杯）。

無論天氣點樣壞，行程都繼續！但點都估唔到最失望，最搵笨ｏ既自費節目就係呢情況下發生，費用Eur10，坐玻璃船遊覽荷蘭運河。係船度困左１小時，由於外出天氣寒冷加上落雨，我地一定閂晒所有窗，但又一定會有霞氣出現，睇唔到風景，又悶又焗，浪費左呢１個鐘！悶完後，上岸之際就有紀念相買，因為呢個工作人員係我地開船之前就同我地影相。

玩完悶悶ｏ既自費節目後，我地就返去市中心取回介子（因為那工場需要鑲嵌，然後我們就可到其位於市中心的門市取回）同逛一會兒百貨公司。大概半小時後，我地就離開市區，坐飛機去最後一個國家　──　英國。當到達左機場之後，我地就同司機說再見。話晒我地都共度左十日，而且佢ｏ既技術都好好，好定，好安心！

當人家check-in及過磅後，大家一齊去到禁區內ｏ既Food Court享用自費晚餐。我地買左pizza一件、意粉一碟同大可樂一杯，都幾貴但好好味。之後我地仲行左個商場一陣，先至慢慢步向侯機室，由於飛機delay，大家亦苦等左大半個小時。

飛機到左，我地自自然然排隊上飛機，但當上機之際有一位身形高大ｏ既黑人抽樣檢查，我亦被當成一隻白老鼠，首先佢示意我舉高雙手，佢即刻以純熟技巧地摸勻我全身，甚至小基基不放過，之後佢又叫我打開旅行袋檢查！總之呢次真係蝕抵比個黑鬼，番去酒店一定要同小基基洗乾淨！